Temneňkaja nička

Text koledy Temneňkaja nička

Temneňkaja nička, ťmoju svit zakryla
Temneňkaja nička, ťmoju svit zakryla.

Prečystaja diva po svitu chodyla,
pryšla do bohača,
na nič sja prosyla.

Pane Hospodarju, perenočuj mene,
bo temnaja nička, bo temnaja nička,
zachodyt na mene.

A toj pan hospodar ne chtil nočuvati,
taj skazal svojim sluham,
sobakami hnati.

A tiji sobaky Mariju spoznali,
taj pered Prečystoj,
na kolina vpaly.

Prečystaja Diva po sviti chodyla,
pryšla do bidnoho,
na nič sja prosyla.

Pane Hospodarju, perenočuj mene,
bo temnaja nička, bo temnaja nička,
zachodyt na mene.

Oj, rad by ja rad by, perenočuvati,
tiľky ja nemaju,
večeroňky dati.

Netreba, netreba, večeroňky tvojij,
tiľko mene pusti,
do stajenky svojij.

Čy to mišac schodyt, čy sonce zachodyt,
to Matir Božaja,
svoho Syna rodyt.

Vstavaj, žinko, vstavaj, dokybudeš spala,
vže naša stajenka,
svitom zasijala.

Jak bym bula znala, što to Matir Boža,
bulabm postelyla ,
do svojoho loža.

Jak bym bula znala, što Mati s Isusom,
bulabm postelyla,
bileňkym obrusom.

Mohlo by sa vám páčiť

Božij Syn dnes narodilsja

Text koledy Božij Syn dnes narodilsja 1. Božij Syn dnes narodilsja z vysot do nas …

Pridaj komentár

Vaša e-mailová adresa nebude zverejnená. Vyžadované polia sú označené *

Táto webová stránka používa Akismet na redukciu spamu. Získajte viac informácií o tom, ako sú vaše údaje z komentárov spracovávané.